Trampeklapp for "Halsnøysambandet"

Først ut i programmet var Rune Dale Landa, med ei nydeleg tolking av Pink Floyd låta "Wish You Were Here", godt akkompagnert av Martin C. Kviteberg og Kjetil B. Kjeka på gitar, Christian Bjørgen på bass og Martin Bjørnevik på slagverk.  Deretter bergtok vokalist Maria Johnsen publikum med melodien "The Story", kjent frå TV-serien Gray's Anatomy.  Her overtok Oliver Andersson på bass, medan Christan Bjørgen tok plass mellom gitaristane.I pausen underheldt revytartistane Anne MArit Sandhåland og Lasse Pedersen, saman med stavangerkomikar Per Inge Torkildsen frå Stavanger.  Halsnøysambandet tok over scena att, no med den gode, gamle rockelåta "The House is a Rockin'" av Stevie Vaugn.  Flott vokalt samspel mellom Bjarne Martin Sjo og Maria Johnsen, og ikkje minst glitrande saksofonspel frå gjesteartist Bjarne Iestra fekk det til å svinga mellom benkeradene i samfunnshuset.  Til avslutning varta Halsnøysambandet opp med blues-klassikaren "Sweet Home Chicago".  Vokalist Bjarne Martin Sjo gjorde som vanleg ei glitrande framføring, godt assistert av Maria Johnsen og Rune Dale Landa.  På denne melodien var bandet forsterka med blåserekke samansett av mødre og fedre til nokre av dei unge musikarane; Anne Sofie Kjeka og Bente Kviteberg, kornett, Clive Andersson, trombone og Hilde Svalbjørg altsax.  Imponerte gjorde også 15-årige Martin Clement Kviteberg med flotte gitarsoloar på desse to siste låtane. Publikum kvitterte med ståande applaus som ikkje tok slutt før dei fekk da capo på siste melodien. Klikk her å sjå kva lokalavisa "Kvinnheringen" skreiv om tunnelshowet i Halsnøy Samfunnshus og sjå biletserie tatt av Trude Årsand.